Imithetho Yendlela

Imithetho Yendlela: Izilinganisi-santya Nemida Yesantya

Izilinganisi-santya

Imoto eyilelwe okanye ekwaziyo ukufikelela kwisantya se-60 km/h okanye ngaphezulu, kufuneka ixhotyiswe ngesilinganisi-santya esisebenza kakuhle.

imibuzo ye-k53

Imida Yesantya

Umda wesantya jikelele usebenza kuzo zonke iindlela kwaye akunyanzelekanga ukuba uboniswe luphawu lwetrafikhi yendlela.

Ngaphandle kokuba kuboniswe okwahlukileyo luphawu lwetrafikhi yendlela, umda wesantya:

  • weekhilomitha ezingama-60 ngeyure usebenza kuyo yonke indlela kawonke-wonke esedolophini,
  • weekhilomitha ezili-100 ngeyure usebenza kuyo yonke indlela kawonke-wonke engenguye uhola wendlela, engaphandle kwedolophu, kwaye
  • weekhilomitha ezili-120 ngeyure usebenza kuwo wonke uhola wendlela.

Ukugqitha umda wesantya lulwaphulo-mthetho.

Umda Wesantya Weemoto Ezithutha Abantu Ngentlawulo

Umda wesantya weekhilomitha ezili-100 ngeyure usebenza ku:

  • ibhasi, kwaye
  • iminibhasi

Umda Wesantya Wodidi Oluthile Lweemoto

Umda wesantya weekhilomitha ezingama-80 ngeyure usebenza ku:

  • imoto yempahla ene-GVM engaphezu kweekhilogram ezizi-9000,
  • umdibaniso weemoto obandakanya imoto yempahla, eyimoto etsalayo, kunye netreyila enye okanye ezimbini apho isamba sobunzima bemoto bobonke bemoto yempahla nebetreyila okanye iitreyila sigqitha kwiikhilogram ezizi-9 000, okanye
  • imoto edibeneyo, apho ubunzima bomdibaniso bobonke betraki-trektara bugqitha kwiikhilogram ezizi-9000,
  • nayiphi na imoto yokuhlangula etsala enye imoto.